Sjávarpakkhúsið hefur hlotið umhverfisvottun Svansins sem er opinbert norrænt umhverfismerki

Við erum afar stolt af að vinna náið með sjómönnum, bændum og matvælaframleiðendum í nágrenni við okkur sem sjá okkur fyrir besta hráefni sem völ er á.

Við leggjum áherslu á staðbundin hráefni og sjálfbærni og gerum ávallt okkar besta í að framreiða hágæða mat með eins litlum áhrifum á umhverfið og mögulegt er.

Við veljum hráefni og þjónustu úr nærumhverfinu, höldum matarsóun í lágmarki, leggjum áherslu á að minnka orkunotkun, efnanotkun og úrgang.

Við viljum vera góð fyrirmynd í umhverfismálum og sýna í verki að umhverfisvernd getur verið sjálfsagður hluti af daglegu lífi.